Groen
Lyrics en songwriting by Danie Du Toit
Music by Spoegwolf
1. Droom
sê dit nou
ek sal ’n kar kan reël
ek sal kom vir jou
in my denimbaadjie
ek sal jou nooit verraai nie
wie hier voor my was
het seker okay gepas
maar niemand kan droom soos ek nie
2. Verander
sy bly met haar honde
op ’n blommeplaas
sy stap soms vol wonder
deur akkerbome
sy vloek in Afrikaans
sy slaan jou op jou arm
na die eerste dans
sy woed soos ’n storm
maar in haar groen sien jy
binne is dit stil
sy laat jou in
sy lê op jou bors en sê hey,
jy’t iets om te sing
maar wat van hierdie ding wat ek geword het?
nee, dis net ’n begin
wat het verander?
jy sê ons is mens
maar ek voel anders
ek het al my kaarte gespeel
mik vir my bors
mik vir my
sy skraap eers jou kole
soos liggies bymekaar
en jy skyn teen haar sterre op
soos Kaapstad in die nag
maar dis goed genoeg
sy sê jy’s goed genoeg vir haar
jy voel jy ken dit klaar
jy ken iets van haar in die donker
en jy weet
jy weet dis vlees en bloed, maar
iets in haar oë is ’n ander groen
die akkerbomegroen
sy laat my in
sy lê op my bors en sê hey,
jy’t iets om te sing
maar wat van hierdie ding wat ek geword het?
nee, dis net ’n begin
3. Bellevlei
jy’s my vakansie sonder see
in die skadu, my laatoggendtee
om jou vir die ewige lewe te ruil
lief, is die antwoord nee?
om jou so in jou huis te sien
is om die toekoms te voel
is om die Here te dien
jy hang jou klere soos ou stories op
al jou honde kom kyk
vertel my dit was klein
was dit klein?
as ek so naby aan jou staan kan ek dit voel
jou lank terug, jou nou en jou eendag
in ’n piksoen terwyl jy dit wegpak
Bellevlei, is daar iets van my hier begrawe?
ek weet ek’s nou nader aan my rus
wat my die seerste maak word krag
ek hoor die sterkste hart is sagter
en braaf genoeg om te breek
ek hardloop deur hierdie miltsteek met ’n naam
was dit klein?
as jy so naby aan my staan kan ek dit voel
my lank terug, soos klere, is pikswart
ek glimlag maar as ons wegpak
4. Seldery
jy dans in die stort
jy moer al die insekte dood
en sê ek kan dit nie skryf nie
ek’s nie die een wat dit skryf nie
jy dra my hemde heeldag
en swem op die plaas
ek mag nie kyk nie
ek’s nie die een wat kyk nie
en nou
as jy sing en sny
die Here soen ons
in suurlemoen en seldery
ek maak my hemp weer heel
met garing van goud
geknip uit jou hare
ryg deur my jare en foute
is daar ‘n doel met ons
of is ons maar net met mekaar?
jy sê ek kan nie vra nie
ek’s nie die een wat vra nie
5. Op
jy sê ek moet jou toelaat
om my lief te hê
maak dit wat seer is
weer iets om te sê
wat die wêreld verander
vir dié wat stukkend is
jy maak my wakker
met ’n bries van ’n soen
jy hou my wange
asof jy iets kan doen
met die fokop van my brein
gee jou lyf ook prys
jy help my op
by die bed uit
help my by die ruit uit
ek was ’n ninja
in my pa-hulle se tuin
Lucky het my rondgejaag
ek’t jou gekry
toe ek hoog in ons boom
na die maan toe was
strale van silver
onthou ek jou wat in my bulder
maar aanmekaar hou
ja, jou vorm het verander
maar wat jy is kan nooit
6. Praat
ek wil met jou praat
ek weet nie waaroor nie
die wêreld spin soos ’n kind wat dans met haar pa
ek het gedink dat ons teen dié tyd al ons rus sou vind
maar dit draai verby
dit waai deur my
en jou gees is my gees
en jou wond is my wond
en jou las is my las
ek probeer om in goeie goed te glo
al kry ek seer is iets heilig in ons oor
jy glo dit nie, maar ek hou van jou ook só
ek probeer om in goeie goed te glo
ek wou jou dophou
die wyn maak jou ore rooi
jy daag als uit
jy’t jou laaste hart soos ’n klip gegooi
en waar dit sink sal ons soos kinders in die stroom gaan soek
en weer lag
maar waar lag
7. Denim
ek’t ’n braai ge-stage vir Maandagaand
sy sê sy sal my laat weet
hey, Melissa, is jy alleen?
ek wou altyd stad toe trek
maar ek dink daai plek is leeg
dalk is ek ook die probleem
sê dit nou
ek sal ’n kar kan reël
ek sal kom vir jou
in my denimbaadjie
ek sal jou nooit verraai nie
wie hier voor my was
het seker okay gepas
maar niemand kan droom soos ek nie
ek het al my geld op ’n plan ge-bet
en meer as dit verloor
maar ek voel ryker nou as ooit
want die pad van goud
met die son op die see
is myne tot vanaand
as jy jou arms vir my gee
en jy dink dit ook
ek en my vriende gaan ’n lewe bou
met ons denimbaadjies
ek sal jou nooit verraai nie
wie hier voor my was
het seker okay gepas
maar niemand kan droom soos ek nie
8. Groen
groen
ek soek dit groen
groen is my woorde
en groen my dood ook
Lyrics en songwriting by Danie Du Toit
Music by Spoegwolf
Spoegwolf is:
Danie Du Toit
Moskou Du Toit
Hiram Koopman
Albert van der Merwe
Chris von Wielligh
Produced by Spoegwolf & Jurgen von Wechmar
Recorded at Die Wolfhuis & Sunset Recording Studio
© Spoegwolf (Pty) Ltd 2021