“Droombrief”
Songs en lirieke deur Danie du Toit.
Musiek deur Spoegwolf
Bring My Geweer
bring my geweer
bring my dogter ook
ek wil haar een keer sien
ek het wakker gelê
en jou in skrefies gehou
as ek verloor
dra my na die boom
waar valke gereeld gaan sit
ek en my broers
sal mekaar weer gaan soek in die wind
sal my waarheid hou tot by jou
waarookal jy nou is?
ons was drenkelinge, enkelinge
saam word die stroom ons rus
trek af die gordyn
maak die ysterkis oop
ek’t haar boek daarin gesit
as sy dit weer lees
sal ons weef aan mekaar in die wind
gaan haal vir Ben
hy moet leer hoe om die perde van die veld in te breek
hy’s ook daardeur
maar Heer, daar’s nog wild wat in hom steek
sal my waarheid hou tot by jou
waarookal jy nou is?
ons was drenkelinge, enkelinge
saam word die stroom ons rus
voor ek op wind vertrek
bring eers my perde weer na die water
drink en wees verlig
roep al my mense dan om my nader
dra die kinders in
hier gaan die engele nou vergader
hand aan hand loop ons huistoe
vlerk aan vlerk gaan ons na die Vader
hang my hoed aan die spyker
begrawe al my verwyte
ek sien hoe naby my tyd is
so kom ons kry laaste kyke
ek weet jou hart is nog myne
jy was met liefde nooit suinig
ek voel 'n fok vir die duiwel
Lig wen die stryd in die einde
(is al my sondes vergewe?
belowe? hand op die Bybel?)
Val In, Val Uit
’’n Voorwoord in Voice Notes
"Yes, my vriend, geen druk nie. Um …
om die waarheid te sê, as julle nie kan nie kan julle glad nie.
Julle’s maar net oorkant die pad en julle’s altyd welkom!
By all means - val in, val uit!"
"Yes, almal! Daar’s free kos, maar ongelukkig nie free drank nie…
maar ja. Asseblief. Ons begin sesuur,
daar gaan ’n moerse feast wees en ek maak al die kos wat on het, hierso. Ja.
Voel welkom om te kom join! Dit sal lekker wees om julle almal hier te hê.
Check julle maybe sesuur vanaand? By Drum!"
"Haai! Hulle speel, um, ‘Kort Dônner’ op Bok Radio (‘trek jou lip styf …’)"
"Danie! I'm assuming this is still your number?
Unfortunately, I'm not going to be able to make it to a braai …
This 'braai-pie' sounds incredible and I'm very sad that I'm missing out on it,
but ja. Thanks again for the invite and, um, enjoy."
2. Slapende Honde
dink jy ek sal daar uit kan kom?
daardie dag
in die kerksaal, in die somer?
dink jy die wild in my sal aanhou slaap?
jy't met joune my bedaar
en nou, by jou
die son rus op slapende honde
jy't verander
en ek het ook
ek weet jy sal my nooit verraai nie
nie as die wind of die dood of die Here deur jou waai nie
jy weet ek sal jou nooit verraai nie
nie as die wind of die dood of die Here deur my waai nie
dink jy ek's sterk genoeg om als te hou?
’’n dak oor ons kinders, ’’n kaggel in die winter
dink jy ek sal my stories nog kan skryf?
ek wil iets oor jou, sterker as tyd
in harte bou
so diep as die blou
die son sak oor slapende honde
jy't verander
ek het ook
ek weet jy sal my nooit verraai nie
nie as die wind of die dood of die Here deur jou waai nie
jy weet ek sal jou nooit verraai nie
nie as die wind of die dood of die Here deur my waai nie
3. Raas In Die Straat
as dit raas in die straat
dink ek aan jou
op die bed met jou bril aan
jou vierkanthorlosie is vyf minute vroeg
wel, ek het dertig jaar gewag
as dit swaar om my raak
strek ek na jou
kan jy my uit my hel help?
nee, ek sal saam met jou val
waarookal jy val
wel, ek het dertig jaar gewag
4. Droombrief (feat. Johan Du Toit)
ek stuur vir jou 'n droombrief
want die wêreld woed te veel vir woorde so broos soos dié
met kogelbaai groen en sonneblomgeel
en ek het gaan soek vir jou in die hoeke van my tuin
en woorde getrek uit ’’n stukkende pet
toe ek met my hele hart in liefde geglo het
ek stuur vir jou ’n dinkbrief
want niks maak meer sin in die wêreld nie
kan jy hierdie lees?
hallo
ek gaan vanaand
as daar oor is
pasta bolognese maak vir jou
en ek is nie lekker nie
maar ek sal ’n kers aansteek
om die seerste te onthou
(een, twee, drie, vier)
5. Stukkend
dit reën in Bethlehem
ek was lanklaas by die huis
jy stuur foto’’s wat die amandelbome wys
hoe raas jou oë soos die skemer se see
jou klere wolk weg voor die maan
ek het verdwaal, en ja, dis seer
maar baie is al erger deur
jou stem is soet
ek hoor dit wel
maar ek het oud geword en
my kop is seer
jou woorde drom
ek is vêr van als
ons het nie tot hier gekom om op te gee nie
jy dink ek’s stukkend? jy’t geen idee nie
kyk hoe trek ons teëstand oor die heuwel saam
kyk hoe hulle hardloop
ek het jou in my donker leer ken
jy was die glinstering van goud
ek het geskarrel, soos ’n eekhoring deur jou woud
môre is ek weer op die pad
ek dra jou oral met my mee
soms as ’n droom
soms as ’n wolkbreek-miltsteek
jou stem is soet
ek hoor dit wel
maar ek het oud geword en
my kop is seer
jou woorde drom
ek is vêr van als
ons het nie tot hier gekom om op te gee nie
jy dink ek’s stukkend? jy’t geen idee nie
kyk hoe trek ons teëstand oor die heuwel saam
kyk hoe hulle hardloop
as ek opstaan
ja, jy
staan los
van die skare
trek my nader
(ons het nie tot hier gekom om op te gee nie
jy dink ek's stukkend? jy't geen idee nie)
kyk hoe trek ons teëstand oor die heuwel saam
kyk hoe hulle hardloop
as ek opstaan
6. Voel Jy Dit Ook?
jy vra dat ek die handdoek aangee
nee, nie joune nie
als is suurlemoen en son
jy soek ’n rok om te dra
nee, nie daai een nie
daar dans ’n kind in ons gordyn
ek wil nou al my planne ruil
alles wat ek gedoen het
vir ’n sondag by die huis
jy bring die blomme uit die voortuin
blomme uit die voortuin
voel jy dit ook? waar jy gaan, waar jy gaan?
in al die rook is dit ons wat saam
deur die heelal val en die skemer uitbrand
deur die heelal val en die skemer uitbrand
ek wou die wêreld hê
noudat ek ouer is sou ek meer wou gee as gryp
ons word soos brode gebreek
om ander te dien
met die laaste van my lyf
wil ek nou al my planne ruil
alles wat ek gedoen het
vir ’n sondag by die huis
jy bring die blomme uit die voortuin
blomme uit die voortuin
voel jy dit ook? waar jy gaan, waar jy gaan?
in al die rook is dit ons wat saam
deur die heelal val en die skemer uitbrand
deur die heelal val en die skemer uitbrand
7. Donker
ek het ’n foto van ons
as ek nou daarna kyk
was jy nog altyd op my soos die son
en in die stem van die Heer
as ek nou daaraan dink
is jy nog altyd die wind in my klere
ek sou Pretoria toe kon ry
met my fiets en boek vol rym
ek sou die platteland saamsleep
as ek gedink het ek kan dit vir jou gee
want jy’s, oooh
wilder as my donker
jy’s die wyn in my bloed
maak my een keer weer jonger
een keer by jou is genoeg
ek het ’n padkaart van ons
op die are van my hande
ek sou werk vir jou met stene en grond
en as die hemel bestaan
sal ek vra dat die engele on huistoe kan dra
ek is dronk
ek is opgefok, maar
ek sou Pretoria toe kon ry
met my fiets en boek vol rym
ek sou die platteland saamsleep
as ek gedink het ek kan dit vir jou gee
want jy’s, oooh
wilder as my donker
jy's die wyn in my bloed
maak my een keer weer jonger
een keer by jou is genoeg
8. Spoke (Tussenspel)
la, la da da
la da dee, la da da
la, la da da
la da da, da
da
9. Deinings
ons het mekaar in die huis gekry
als was te veel, te swaar, te donker vir my
ons slaan ons kamp met komberse op
nooi jy die honde, nooi die Here ook
jy in jou blou
ek wens ek was aangetrek vir jou
is jy bang vir die mense hier rond?
die dood in hul oë
ek sal liewer met spoke
spoke om jou
iets van die liefde onthou
ons kan soos deinings van die see
mekaar verloor en nader tree
ons het mekaar in die dorp gekry
jy was die lig, hoog bo water oor my
is elke skild wat ek herken
ook gekraak, ’n hartseer oog se lens?
jy in jou blou
ek wens ek was aangetrek vir jou
ek is bang om eendag te gaan
’n dood sonder jou
ek sou liewer soos spoke
wat wolk oor die veld
iets van die liefde vertel
ons kan soos deinings van die see
mekaar verloor en nader tree
ons kan soos deinings van die see
mekaar verloor en nader tree
ek sal in kan gee
.
10. Vergeet
wys my wat jy is, wat jy is
is vir my bedoel
ek is uitgewis, uitgeblus
jy kan deur my lewe
slegte tydings
is net seisoene
jy maak die houe
deel van my hartklop
kan ons vanaand vergeet
dat ons almal doodgaan?
ek wil langs jou lewe
kan ons vanaand vergeet
dat ons almal doodgaan?
ek wil langs jou lewe
ek wil langs jou lewe
maak my lyf jou rus
as ons rus
sal ek die geraas uithou
dra my soos jou ring
soos jou ring
ek sal aanhou klou
aanhou
slegte tydings
is net seisoene
jy maak die houe
deel van my hartklop
kan ons vanaand vergeet
dat ons almal doodgaan?
ek wil langs jou lewe
kan ons vanaand vergeet
dat ons almal doodgaan?
ek wil langs jou lewe
ek wil langs jou lewe
check one
round two
featuring Vuurwolf
terug vir die ne'ende
dis waar dat ek geseënd is,
in die verlede was ek verlore,
ek’t gevoel as of ek vreemd is
ek het gesukkel met die
hartseer en die leemtes
jy’t gesorg'at al'aai donkerte vergeet is
as my redder kom jy aan, jy bring’ie teengif
jou teenwoordigheid voel ek in my gebeentes
lig ve'teer al'ie dinge wat koud en wreed is
in 'n wêreld so vol van dit wat verkeerd is
hou die salf vir die
plekke waar ek beseerd is
vat my hand en ons sweer’it voor die gemeente
ken my hart en die dinge wat ek beleef het
raak my siel, dis ’’n teken dat ek gereed is
ringomvinger, jy’s sekerlik my vir ewig
'n goue stem, nog mooier as my verbeelding
woorde wat
skit-te-rend sing en vir my weer heel bring
seël my krake met blommetjies wat gekleurd is
"Wow, wow, wow, wow, wow, wow, wow.
Dit is so baie - baie, baie cool.
Wow. Congratulations, man!"
11. Kerse
gaan haal my liefde op Stellenbosch
sy dra haar hare met die wind, kort en los
sê vir haar ek’t lank gewag
ek het regop gestaan
en niks was in my hart
behalwe haar wit rok, daai kerkklok
en al ons vriende saam
my pa-hulle kuier saam
onder ou, uitgedansde kerse
in al die rook van oorloë het ek dit gehoor
iets soos “hallo”
of “ek was altyd lief vir jou”
met hierdie lewe
en dalk die volgende
met hierdie lewe
gaan los my wapens op Stellenbosch
gee vir haar my
my ou silwer ring
sê vir haar ek’t hard geveg
gestaan vir dit wat reg is
maar niks was dieper
as die water in haar oë
ek kon in mooi glo
en die nag op bly
die liggies lyk soos jy
in ons ou, uitgedansde kerse
in al die rook van oorloë het ek dit gehoor
iets soos "hallo"
of "ek was altyd lief vir jou"
met hierdie lewe
en dalk die volgende
met hierdie lewe
Original Song & Lyrics by Danie Du Toit.
Music Written & Arranged by Spoegwolf.
© Spoegwolf (PTY) LTD, 2022.
