S I L W E R
Lyrics & Songs by Danie Du Toit
Music by Spoegwolf
“Lenie Lenie” by David Kramer
with Additional Lyrics by Danie Du Toit & Albert Van Der Merwe
“Die Hemel se Splinters” by Albert Van Der Merwe
1. Velde van Verf
met velde van verf
slaan jy jou hande soos branders
teen my berge
waar jy gaan
gaan ek ook
2. Onbreekbaar
ek het al draaie gevat tot hier
het jy nie ook nie?
ek wens ek kon sê ek was nooit verlief nie
jy sou my glo nie
wat hulle sê van vonke en vlinders
vir my is dit anders
jy's my vuur
jy slaan jou vlamme soos branders
teen my mure
waar jy brand
brand ek ook
ons planne kan inval
inval, ons is onbreekbaar
ons is deel van mekaar
dit kan inval
inval, ons is onbreekbaar
ons is deel van mekaar
ek moet nog leer hoe om saam te vloei
moet het jy nie ook nie
is daar 'n plek waar ons mag ophou hardloop
en nie so bloei nie
wat hulle sê van vonke en vlinders
vir my is dit anders
jy’s my vuur
(jy is my vuur)
jy slaan vlamme soos branders
(jy slaan jou vlamme)
teen my mure
(teen my mure)
waar jy brand
(waar jy brand)
brand ek ook
ons planne kan inval
inval, ons is onbreekbaar
ons is deel van mekaar
dit kan inval
inval, ons is onbreekbaar
ons is deel van mekaar
Kylemore
hey, Melissa
ons gaan ouer word
langer as die bome
dieper as die grond
ek het jou
kom haal by jou pa
in Kylemore
hey, Melissa
as dit kouer word
kan ons deel aan mekaar
voor jy deel van die grond word
sal ek jou dra na jou pa
in Kylemore
dit is nie jou laaste Herfs nie
ek weet jy't seer
maar dit lyk nie te erg nie
waar die winde roer
sal ek als aan jou verduidelik
soms is dit geluide
soms kan jy dit voel
die bome gooi goud en brons
ek verlang na my moed
voor ek 'n man geword het
sal jy rus as jy jou man van God het?
hey, Melissa
ek is agt-en-twintig
deur al daai winters, maar nog meer somers
dit stort vonke en trane
op Kylemore
jy’s nog jonk genoeg vir oorbegin
jy's nog sterk genoeg
(daar waar die winde roer
sal ek als aan jou verduidelik
soms kan jy dit voel
en soms is dit geluide)
waar die winde roer
sal ek als aan jou verduidelik
soms is dit geluide
soms kan jy dit voel
na al die jaag na al die jaag
stap ons saam ons saam langs die strome
God was hier teenwoordig
aan jou kom ek hom voel
na al die soek sien ek iets in jou lyne
jy's nog altyd myne
tot die dood ons beide roep
Silwer
ek het ons hond het uit die reën ingebring
jy's vas aan die slaap
my wonde sing
ons het dit maklik laat lyk
maar jou boots is vol modder
my hande vol bloed
en al daai dônners kan wag
ek het ons ride uitgesort
ek het die bekers gepak
ons gaan ry die langpad om
en die hemel is silwer
jy's storm van goud
die bome’s geraamtes
ek sal oud word by jou
en die hemel silwer
jou hare is goud
ons ry deur geraamtes
ek wil oud word by jou
ek is deur monsters gejaag as 'n kind
maar ek het omgedraai
ek het my vuiste gebal
laat my nou opstaan soos 'n man vir jou
al is daar wild en pyn
vlak in my oë
my verlede kan wag
ek pak my hart by jou in
met ons hond op die bak
kan ons ry, die lang pad om
en die hemel is silwer
jy's storm van goud
die bome is geraamtes
ek sal oud word by jou
en die hemel silwer
jou hare is goud
ons ry deur geraamtes
ek wil oud word by jou
Lenie Lenie (ft. David Kramer)*
Lenie, Lenie, jou liefde
trek my nes ’n tou
kom nou, Lenie
ek wil jou vashou
jou kuiltjies en jou houding
is so reg na my sin
kom nou, Lenie
ek wil jou bemin
daar is drie kêlkies wyne
dan sê hy jy is syne
daar’s soet wyn en daar’s suur wyn, Lenie
ag, proe tog aan myne
o, proe tog aan myne
Lenie, Lenie, hier sit ek nou
my kop so tussen my knieë
Lenie, Lenie, net jy kan my trane wegvee
Lenie, Lenie, my lewe
is vir jou gegee
opgerol in ’n botteltjie
en gegooi in die see
daar is drie kêlkies wyne
dan sê hy jy is syne
daar’s soet wyn en daar’s suur wyn, Lenie
proe tog aan myne
proe tog aan myne
Lenie, my hart is aan jou vasgeknoop
ek weet ek sal ook, as jy wegstap
agterna moet loop
Lenie, jou oë is soos die sterre
en jou stem soos stroop
kom, gee my net ’n halwe kans om jou weer terug te koop
ek weet jy sê jy’s vir ’n ander
maar ek glo daar’s hoop
hier by die water sal ons eendag nog ons kind kom doop
so kom nou, Lenie, glo in liefde
maak jou hart weer oop
kom nou, Lenie, maak jou hart weer oop
drie kêlkies wyne
dan sê hy jy is syne
daar’s soet wyn en daar’s suur wyn, Lenie
ag, proe tog aan myne
o, proe tog aan myne
Kolke (Bradshaw)
onder ons horison van saffier
kom my skip, kom my dag
met die son, soos 'n vuur
jy's op die brug gevind of gestuur
jy't jou ouma gebel
sy sê dis net so koud
sy't jou van sterkstaan vertel
as jy gaan lê, lê soos 'n berg
teen die houe
en weet jy jou lig
weerkaats oor my my meer
ek sal jou wense
oor die skemer van my hart
in pienk en bloue smeer
o breë swaard
breë hart
jy't my kom haal in die nag
kom dra my van
my kolke
ek is lank, maar gebreek
sterk in al die verkeerde plekke
verraai en gelees
hey, vir jou staan ek regop stil
weet jy jou lig
weerkaats
oor my my meer
ek sal jou wense oor
die skemer van my hart
in pink en bloue smeer
o breë swaard
breë hart
jy't my kom haal in die nag
kom dra my van
my kolke
Die Hemel Se Splinters**
en ek weet daar's ’n plek vir ons twee in die winter
iewers hier tussen die hemel se splinters
Kom, gooi nog ’n houtjie, die reën teen die ruite
beskerm ons teen al die monsters daarbuite
en ek weet ons is veilig hier tussen ons diere
en ek voel daar is liefde hier tussen ons mure
en ek hoor nog die wind in die middernag-ure
ons kaggel is warm, ons harte vol vure
Huisie in die Reën
en ek glo nog dat Engele ons besoek
as berge of of stroke son
jy wip jou hare as jy dans
dalk is die Heer in die ritme
gisteraand loop ons in
loop ons op
loop ons oor
in ’n dorp vol kolle water
drink ons wyn
en jy huil jy namens my
namens ons
namens God
en in die hel van soek het jy
toe daai huisie in die reën gekry
en ek glo nog dat Engele ons besoek
as berge of stroke son
jy wip jou hare as jy dans
dalk is die Heer in die ritme
vermom
buite word alles gebrand en gebreek
maar ek en jy is klaar daardeur
het jy die hand gevoel?
dit gaan okay wees, belowe
dis deel van die plan
in al die hel van soek het ons
toe daai oomblik in die reën gekry
en ek glo nog dat Engele ons besoek
as berge of stroke son
jy wip jou hare as jy dans
dalk is die Heer in die ritme
vermom
ek sien jou
soms in ander se huil
ek hou jou in al my verandering
ons stad op die berg
dring deur die wolke
Goud
ek het jou ontmoet as die rivier
jy was goud in die eike
ek was maar 'n kind, uitgestuur
met die wind in my ruiker
ek dink al lank aan die woorde
ek wens jy was hier
ek het jou ontmoet as die rivier
lig en goud in die eike
Lyrics & Songs by Danie Du Toit
Music by Spoegwolf
*
“Lenie Lenie” by David Kramer
with Additional Lyrics by Danie Du Toit & Albert Van Der Merwe
**
“Die Hemel se Splinters” by Albert Van Der Merwe
Spoegwolf is:
Danie Du Toit
Moskou Du Toit
Hiram Koopman
Albert van der Merwe
Chris von Wielligh
Produced by Spoegwolf & Jurgen von Wechmar
Recorded at Die Wolfhuis & Sunset Recording Studio
© Spoegwolf (Pty) Ltd 2021